Celebration of Republic Day
“76 માં પ્રજાસત્તાક દિવસની ઉજવણી સમજૂનાથ વાદી પાઠશાળામાં”
સાણંદ ખાતે વીંછિયા ગામે વરસોથી રેફ્યુજી તરીકેનું જીવન ગુજારતા અને વન વગડામાં વસવાટ કરતાં વાદી સમુદાયની વસાહત આવેલ છે અહી માનવ સેવા ટ્રસ્ટ દ્વારા તંબુ શાળા ચાલે છે જેમાં 40 થી વધારે બાળકો અક્ષર જ્ઞાન મેળવી રહ્યા છે. આ શાળામાં સાણંદ- બાવળ વિધાનસભા વિસ્તારના યુવા ધારાસભ્ય શ્રી કનુભાઈ પટેલના હસ્તે ધ્વજ વંદનનો કાર્યક્રમ ઉજવાઇ ગયો. આ પ્રસંગે કનુભાઈએ વાદી સમુદાયમાં શિક્ષણનું પ્રમાણ વધે અને સરકારી યોજનાઓનો લાભ છેવાડાના માનવી સુધી પહોંચે તેમજ કુરિવજો અને વ્યસનથી મુક્ત થઈ આદર્શ નાગરિક બનવા માટે હાકલ કરી. શિક્ષણથી જ ગરીબી દૂર થશે તેના પર વિશેષ ભાર મૂક્યો. આ પ્રસંગે ડૉ. જી. કે. ચૌહાણ, વનરાજસિંહ, ટાટા મોટર્સ લી. માંથી સંપાદાસ ઘોષ, માનવ સેવાના મનુભાઈ બારોટ, ગામના સરપંચ,વાદી સમુદાયના પ્રમુખ ગોરખાનાથ વાદી અને મોટી સંખ્યામાં વાદી વસાહતના લોકોએ હાજરી આપી હતી.
